شهادة تركيب أدوات الوقاية والحماية من الحريق
هي الشهادة اللي يعرفها أغلب أصحاب المحلات باسم "شهادة السلامة"، ومطلوبة في ملف رخصة البلدية. نصدرها لمحلك في الرياض بسعر ثابت 250 ريال، خلال 15 دقيقة بعد التحقق والتحويل.
وش تعني الشهادة؟
شهادة تركيب أدوات الوقاية والحماية من الحريق تثبت إن محلك مجهز بالأدوات الأساسية اللي تحمي المكان ومن فيه من الحريق. تصدرها منشأة معتمدة بعد التحقق من بيانات المحل ونشاطه ومساحته.
الدفاع المدني يطلب هالأدوات ضمن اشتراطاته للمحلات، والشهادة هي اللي تثبت إنها موجودة. ولهذا تنطلب في ملف إصدار أو تجديد رخصة البلدية لأغلب الأنشطة التجارية.
الأدوات الأساسية في المحل
طفايات الحريق
أهم أداة في أي محل. نوعها يعتمد على النشاط: طفاية البودرة للاستخدام العام، وطفاية ثاني أكسيد الكربون للأجهزة والمعدات الكهربائية، وطفايات خاصة لمطابخ المطاعم. لازم تكون صالحة، ومعلّقة في مكان ظاهر، مو مخزنة تحت الكاونتر. والعدد يحدده تصنيف النشاط والمساحة.
اللوحات الإرشادية
لوحة "مخرج" واضحة فوق الباب أو باتجاهه. وفي المحلات الأكبر، لوحات توضح اتجاه الخروج ومكان الطفايات.
إضاءة الطوارئ
تشتغل لحالها لو انقطعت الكهرباء، عشان يبان طريق الخروج. تُطلب غالباً في المحلات الأكبر مساحة، والمستودعات، والأماكن اللي فيها زوار كثير.
أنظمة الإنذار وكشف الدخان
تُطلب في بعض الأنشطة حسب المساحة ودرجة الخطورة، مثل المستودعات وبعض المطاعم. المحلات الصغيرة غالباً ما تحتاجها، لكن التصنيف هو اللي يحدد.
كيف نصدر الشهادة؟
- ترسل لنا على الواتساب نوع النشاط، والحي والشارع، والمساحة، وصورة السجل التجاري.
- نتحقق من البيانات، ونوضح لك إذا فيه شي ناقص في الأدوات.
- نأكد الطلب ونرسل لك بيانات التحويل (250 ريال).
- نصدر الشهادة خلال 15 دقيقة بعد التحويل، وتوصلك على الواتساب.
تبي تعرف تفاصيل المتطلبات حسب نشاطك؟ اقرأ اشتراطات الدفاع المدني للمحلات التجارية.
أسئلة شائعة
هل شهادة تركيب أدوات الوقاية هي نفسها شهادة السلامة؟
نعم. شهادة السلامة اللي يطلبها ملف رخصة البلدية للمحلات هي شهادة تركيب أدوات الوقاية والحماية من الحريق. الاسمين يُستخدمون لنفس الشهادة.
وش أقل أدوات لازم تكون في المحل؟
غالباً طفاية حريق مناسبة للنشاط، ولوحة مخرج واضحة. وحسب النشاط والمساحة ممكن تُطلب إضاءة طوارئ أو أنظمة إنذار. التفاصيل تعتمد على تصنيف نشاطك.
كم سعر الشهادة؟
السعر ثابت 250 ريال، والإصدار خلال 15 دقيقة بعد التحقق من بيانات المحل والتحويل.
هل تبيعون طفايات أو تركبونها؟
خدمتنا إصدار الشهادة بعد التحقق من بيانات المحل. إذا ناقصك أدوات، نوضح لك وش تحتاج قبل ما تطلب.
محلك جاهز؟ نصدر لك شهادة تركيب أدوات الوقاية والحماية من الحريق بـ250 ريال، خلال 15 دقيقة بعد التحويل.